عارفين ان تامر = مصر
تعمدوا اهانتنا كلنا واثارة مشاعرنا
وبينولنا اد اية هم وقحين و ماعندهمش اصلا واكدوا على انهم برابرة وهمج
المهم بعد ما نزلت الموضوع هنا وشفت ردود فعلكو
واتاكدت اننا فعلا ايد واحدة واننا بنحب تامر بجد
ومارضيناش بالأهانة لة
كلمت تامر ...وقولتلة اللى حصل
ياتامر بوستراتك بتتحرق فى الجزائر ..علشان شايل علم مصر
وشايل اسم شباب مصر
بس بجد ماتزعلش ..لو حب مصر دة ذنب ..يبقى يا بختك ياتامر باللى بيحصل
تامر الأول بجد كان مصدوم ومش مصدق وعايز يعرف اية اللى بيحصل بالظبط
وعدد الناس دول اد اية ولية الناس دول عملوا كدة مع تامر بالذات
قلتلة من بعد تصريحاتة انة مش هيحيي اى حفلة تانى فى الجزائر لحد ما يتبعت اعتذار لمصر والمصريين
وعلشان حملة معاكى يامصر اللى هو متبنيها وعلشان الحفلة اللى هيعملها للمنتخب وتكريمة
وعلشان اللى بيعملة علشان يفرح المصريين وينسيهم جراحهم وهمومهم للى حصل فى السودان
وياتامر احنا ماسكتناش ...احنا عاملين حملة الكترونية على كل المواقع وكل البرامج التليفزيونية ووسائل الأعلام وشرايط ال SMS فى القنوات وبنقول فيها معاك ياتامر واننا مش راضين عن اللى حصل دة
هما عملوا معاك انت كدة علشان انت اكتر واحد هتعمل حاجة تفرق مع المصريين بجد
علشان لما يعملوا معاك كدة هما بيضايقوا اكبر فئة من الشعب المصرى اللى انت بتمثلة وسفير لة فى كل مكان وهما عارفين بيعملوا اية كويس اوى
تامر سكت ...سكت كتير اوى
بجد كان نفسى كلنا نبقى معاة اللحظة دى ويحس بينا وبقوتنا
واننا اخواتة اللى بجد هنعوضة عن اى احساس
بس للأسف كنت بعيد عنة اللحظة دى
ياتامر الناس عايزة تعرف رد فعلك اية وانت حاسس باية بعد اللى حصل دة
بعد فترة صمت طويلة تامر رد عليا
قالى على اد مانا زعلان ومتضايق على اللى حصل واللى انت بتحكيهولى
علشان ابدا ماحدش بيتعاقب على حبة لبلدة واخلاصة ليهم
وانا مفيش حاجة هتضعفنى او تخلينى اخاف او ارجع عن اى حاجة قلتها او هاعملها
كل اللى مضايقنى انهم حرقوا علم مصر
هو دة اللى اهم ميت مرة من اى حاجة تانية
علم مصر يعنى احنا كلنا..علم مصر يعنى كل واحد فينا
وبلدنا اكبر بكتير من اى مشكلة ممكن حد يولعها
بجد ربنا عوضنى بيكو اشكرلى كل الناس على وقتهم جنبى
بس قولهم خلونا نقف مع بلدنا احسن ..خلونا مع مصر
انا مش زعلان ولا متضايق علشان ربنا بجد عوضنى بيكو انتو
وماتخافوش على تامر ..عايزين كلنا نخاف على بلدنا واسمنا وسمعتنا
دى كرامتنا ياجماعة مش حاجة ابدا صغيرة
دلوقتى الموضوع مابقاش تامر وصور تامر
الموضوع بقى مصر وعلم مصر
مش عايز حد فيكو يتهور وماتتظاهروش ولا تتجمعوا علشان تعبروا عن زعلكو
انا والله حاسس بيكو ..وبخاف عليكو ومش عايزين تحصل مشاكل اكبر
احنا رجالة ...ومصريين ..وحقنا بنعرف ناخدة
وماتخلقش اللى يهيننا ولا يسخر مننا
قلتلة كلنا انت ياتامر ..كلنا تامر حسنى
حبيبى حسيت انة فرح وارتاح وقالى بجد خلونا كلنا ايد واحدة
خلونا مع بعض ...مفيش حاجة تفرقنا علشان مفيش حد اغلى علينا مننا
قلتلة هنشوفك ياتامر فى الحفلة ...وهنكون معاك
وهتشوف اخواتك وجمهورك هيعملوا اية معاك
كنا خايفين عليك من كل لحظة حزن ممكن تعيشها ..من اى الم ممكن تتألمة
عارفين اللى حصل مش قليل ..وبردو مش هيعدى بالساهل
اللى حصل دة عمرنا ما هننساة فى حياتنا
----------------------------------------------------------------------------
حبيت اوصل لتامر اللى حصل واعرفة وانا سمعتة الفيديو فى التليفون ووصفتلوا بيحصل اية
بس فوجئت بعد كدة باكتر من فيديو تانى الجزائريين بيحرقوا صور تامر وهو شايل علم مصر
وبيدوسوا عليها برجلة
وهو دة اللى فرق مع تامر وهو دة اللى زعلة
علم مصر ..بس هو مش متضايق مادام دة كلة حصل بسبب انة بيحب بلدة
وعايز يقف مع المنتخب و بلدة وعمل مقاطعة للى اهانوا اخواتة واهلة واصحابة
مش عارف اقول اية ..غير بجد بنحبك ياتامر
واللى حصل دة خلى كل الناس حتى اللى مابيحبوش تامر يحبوة
الدنيا كلها متعاطفة معانا وبتحبك ياتامر
علشان فى الأول والأخر انت مصرى ..واى اهانة ليك اهانة لينا كلنا
علشان انت رمز جميل لكل الشباب ورمز لكل واحد بيحب بلدة
دة حصل معاك..بس احنا معاك
ماتخافش وماتتكسرش ..معاك جمهور يكسر الدنيا كلها
ماهو انت اللى علمتنا
علشانك احنا نتحدى الكون
ربنا يخليك لينا
موضوع: رد فعل تامر عند حرق الجزائرين لبوسترات 
الإثنين 01 فبراير 2010, 10:06 am
