يا صاحبي لا تزعل ولا صدرك يظيق
ترا دمعة عيونك بعيوني مصيبة
*****
ادري عيونك نظرة عيوني ما تطيق
وادري اليوم ساعاتك مرت كئيبـة
*****
يا صاحبي الجروح ما تبرا بالتصفــيق
ولا يداوي العليل زيف الكلام وطيبه
*****
والي يمدح زلتك لا ما هو صديـــــق
ومن جاراك بخطاك اهدافه مريبـــة
*****
يدمي فؤادي انك على الآه تغفى وتفيق
وان دمعة عيونك من خدودك قريبــــة
*****
اذا اقسى عليك قاصد انورلك طريق
لا انا ظالم ولا انا مدور هريبـــة
*****
يا غالي آهاتك تحرق ظلوعي حريق
وشوفتك على هالحال والله صعيبـة
*****
انا وانت انولدنا والحزن النا رفيق
ولا تظن الي جمعنــــا صدفة غريبـــة
*****
قلبي مثل قلبك بالهم دايم غريـق
وروحي مثل روحك طينتها غريبة
*****
لا تخلي ظعفك جوا قليبك طليق
لا ولا حزنك يودي هواك ويجيبه
*****
والله وغلاتك الدمع لعيونك ما يليق
ولا يشيل الحزن الا ارادة رهيبـــه
والله وغلاتك الدمع لعيونك ما يليق
ولا يشيل الحزن الا ارادة رهيبـــه
******************************
موضوع: يـــــا صــــــاحبي 
الثلاثاء 02 فبراير 2010, 10:48 am
